Azərbaycan Dövlət Rəqs Ansamblının 40 illik yubileyi təntənəli şəkildə qeyd olunacaq
Simsar.az-ın məlumatına görə, bunu mədəniyyət və turizm naziri Əbülfəs Qarayev dünən axşam keçirdiyi mətbuat konfransında deyib. Nazir bildirib ki, yubiley tədbiri aprelin 27-də Heydər Əliyev Sarayında baş tutacaq. Tədbir zamanı Rəqs Ansamblının ifasında rəngarəng rəqslər nümayiş olunacaq.
Qeyd edək ki, Azərbaycan Dövlət Rəqs Ansamblı 1970-ci ildə yaradılıb. 30 il ərzində bu kollektiv milli rəqs ənənələrinə əsaslanaraq Azərbaycan xoreoqrafiyasının parlaq təbliğatçısı olub. ABŞ, Yaponiya, İtaliya, Fransa, Avstraliya, Almaniya, Portuqaliya, İspaniya, Norveç, İsrail, Tunis, Əlcəzair, Türkiyə Hindistan, Nepal, Avstraliya, İsveçrə, Çin, İraq, Vyetnam, Mərakeş, Braziliya, Kuba, Belçika, habelə keçmiş SSRİ məkanının bütün respublikaları ansamblın çıxışlarını dəfələrlə yüksək qiymətləndirib. Ansambla uzun illər görkəmli balet ustaları, SSRİ artisti Leyla Bəkirova və respublikanın xalq artisti Əlibaba Abdullayev rəhbərlik edib. 1984-cü ildən bu günədək isə ansamblın rəhbəri xalq artisti, “Şöhrət” ordenli xoreoqraf-baletmeystr Afaq Məlikovadır. Milli mədəniyyətimizin inkişafındakı xidmətlərini nəzərə alaraq Dövlət Rəqs Ansamblına 1991-ci ildə “Əməkdar kollektiv” fəxri adı verilib.
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
