Kənd Təsərrüfatı Nazirliyi yanında Dövlət Baytarlıq Xidməti (DBX) “Nodulyar dermatit” virusu ilə bağlı son vəziyyəti açıqlayıb.
Xidmətin mətbuat mərkəzinin rəhbəri Yolçu Xanvəli Simsar.az-a deyib ki, heyvanlar arasında “Nodulyar dermatit” xəstəliyi ilə bağlı vəziyyət DBX-nın nəzarəti altındadır. Xəstəlik yayılandan 24 rayonda qeydə alınıb. Virusa yoluxmuş 2480 baş heyvandan 2124-ü tam sağalıb.
Onun sözlərinə görə, 245 baş iribuynuzlu heyvan müalicə altındadır, 30-u isə tələf olub.
Qeyd edək ki, 20 gün əvvəl “Nodulyar dermatit" virusu 1741 iribuynuzlu heyvanda və 10 rayonda müşahidə edilmişdi.
Aysel Kərimova