Bu gün İtaliyada qadın voleybolçular arasında dünya birinciliyi başlayacaq. Simsar.az xəbər verir ki, İtaliyanın ev sahibliyi edəcəyi yarışda 24 komanda ən güclü adı uğrunda mübarizə aparacaq.
Ümumilikdə, 17-ci olacaq yarış İtaliyanın 6 şəhərində baş tutacaq. Roma, Triesta, Bari, Modena və Verona ilə yanaşı, final oyununun keçiriləcəyi Milan da təşkilatçı şəhərlər sırasındadır.
Azərbaycan sözügedən yarışda 3-cü dəfə iştirak edəcək. İlk dəfə 1994-cü ildə Braziliyada baş tutan yarışda 9-cu pilləyə sahib çıxan milli komandamız, 2006-cı ildə 13-cülüklə kifayətlənməli olmuşdu.
Hazırda FIVB reytinqində 37-ci yerdə qərarlaşan Azərbaycan millisi bu dəfə Aleksandr Çervyakovun rəhbərliyi ilə çıxış edəcək. “D” qrupunda mübarizə aparacaq komandamızın rəqibləri Belçika, Çin, Kuba, Yaponiya və Puerto-Riko seçmələri olacaqlar.
Digər qruplar isə belədir:
“A” qrupu
Argentina, Xorvatiya, Dominikan Respublikası, Almaniya, İtaliya, Tunis;
“B” qrupu
Braziliya, Bolqarıstan, Kanada, Kamerun, Serbiya, Türkiyə;
“C” qrupu
Qazaxıstan, Meksika, Hollandiya, Rusiya, Tayland, ABŞ.
Turnirə bu gün keçiriləcək Argentina – Xorvatiya görüşü ilə start veriləcək. Azərbaycan millisi isə Bakı vaxt ilə 20:00-da meydana çıxacaq. Komandamızın ilk rəqibi Yaponiya olacaq.
Qeyd edək ki, Dünya Çempionatına oktyabrın 12-də yekun vurulacaq.
Vüsal Məmmədzadə
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
