"Bu gecə, səhərə yaxın vətəndaşlarımızı aldıq və ölkəmizə gətirdik".
Simsar.az Anadolu Agentliyinə istinadla xəbər verir ki, bunu Türkiyənin baş naziri Əhməd Davudoğlu, terrorçu “İraq Şam İslam Dövləti”nin (İŞİD) əsir götürdüyü Türkiyə vətəndaşlarının azad olunması məsələsinmə münasibər bildirərkən deyib.
Baş nazir Əhməd Davudoğlu, terror təşkilatı İŞİD-ın İraqda əsir götürdüyü Türkiyənin Mosuldakı Baş konsulluq nümayəndələrinin gecə, səhərə yaxın Türkiyəyə gətirildiyini bildirərək deyib: “Səhərə yaxın ilk görüşlərimiz intensiv xarakter aldı və səhər 05:00-da ölkəmizə gəldilər. Gecə boyu prosesləri yaxından izlədik, bir az əvvəl hörmətli dövlət başçımıza məruzə etdik. Bu xoşbəxt hadisə hamımızı gözəl bir sabaha hazırlayıb”.
Davudoğlu Bakıda qonaq qaldığı oteldə Türkiyə saatı ilə saat 06:10-da açıqlama verib: “Əziz xalqım, dəyərli vətəndaşlarım, uzun bir müddətdir ki, millətin gözlədiyi xoş bir xəbəri sizlərlə bölüşmək üçün səhərin erkən saatlarında qarşınızdayam”.
Türkiyənin Mosul Baş Konsulu və 48 türk vətəndaşının 3 aydan çoxdur ki, Mosulda girov saxladıqlarını xatırladan Davudoğlu, "Günlərdir, həftələrdir davam edən intensiv işlər nəticəsində bu gecə, səhərə yaxın vətəndaşlarımızı aldıq və ölkəmizə gətirdik. Neçə həftədir hamımızın yuxusunu qaçıran, narahatlıqlara sövq edən, amma ən çox da ailələrimizi kədərləndirən hadisədən sonra, bu xoşbəxt xəbəri bölüşməkdən böyük bir şərəf duyuram” deyib.
Hüseyn İbadlı
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
