Ukrayna parlamenti separatçılığın hökm sürdüyü Donbass bölgəsinin bəzi rayonlarına xüsusi statusun və separatçılar haqda amnistiya aktına dair qanun layihələrini qəbul edib.
Simsar.az-nın yerli mediaya istinadən verdiyi məlumata görə, qapalı şəkildə keçən iclasda bölgənin Donetsk və Luqansk vilayətlərinin bəzi rayonlarına, yəni hazırda separatçıların nəzarətində olan ərazilərə yerli idarəetmə ilə bağlı 3 il müddətinə xüsusi statusun verilməsi haqqında, o cümlədən ölkənin şərqindəki hadisələrin iştirakçılarına amnistiya barədə qanun layihəsini qəbul edib.
Qeyd edək ki, ölkədə Poroşenkoya müxalif olan qüvvələr bu qanun layihələrini Ukraynanın Rusiyaya güzəşti kimi xarakterizə edirlər.
Simsar.az