NATO, mindən çox Rusiya əsgərinin Ukrayna sərhədindən içəri girdiyini açıqlayıb. Rəsmi Kiyev Rusiyanı işğalda günahlandırarkən, Moskva isə sərhəddə aktiv əsgərinin olmadığını iddia edib.
Krım yarımadasını beynəlxalq ictimaiyyətin etirazlarına baxmayaraq özünə birləşdirən, Ukraynanın şərqində separatçılara dəstək verən Rusiya, əsgərlərini Ukrayna sərhəddindən içəri soxub. Ukrayna prezidenti Petro Poroşenko, ölkənin şərqindəki Amvrosiyivka ilə Starobeşeve bölgələrinə, Rusiya Silahlı Qüvvələrinə aid birliklərin girdiyini açıqlayıb. Açıqlamadan sonra, Türkiyə ziyarətini təxirə salan Poroşenko, Milli Təhlükəsizlik Şurasını təcili toplantıya çağırıb.
Krım ssenarisi
Poroşenko, Ukraynanın Avropa Birliyi Şurasına da, təcili toplantı keçirməsi üçün təklif edəcəyini bildirib. Ukraynanın Avropa Təhlükəsizlik və Əməkdaşlıq Təşkilatı (AGİT) daimi təmsilçisi İhor Prokpçuk, Rusiyanı işğalda günahlandıraraq, “Vəziyyət ciddi şəkildə pisləşdi. Rus gücləri Novoazovsk və başqa qəsəbələri də işğal etdi. Krımda test edilən ssenari, indi Ukraynanın şərqində təkrarlanır. Bu gün işğala şahidlik edirik” - deyib.
NATO Kiyevi dəstəkləyir
Rusiyanın AGİT səfiri Andrey Kelin “Ukraynada Rusiya əsgəri yoxdur” deyərkən, NATO-dan Kiyev hakimiyyətini dəstəkləyən açıqlamalar verilib.
Peyk görüntüləri yayımlayan NATO, Ukrayna sərhədindən içəri mindən çox Rus əsgərinin girdiyini açıqlayıb. NATO böhran mərkəzindən Niko Tak, Rus əsgərlərinin seperatçılarla birlikdə vuruşduğunu bildirib. Tak, iki həftədir sərhəddəki Rus əsgərlərinin sayının hər gün artdığını deyib.
Sərhəddəki “Reuters” müxbiri, silahlı adamlar və zirehli texnikanın sərhəddən 3 kilometr içəri girdiyini bildirib. Geyimlərində heç bir rütbə, işarə olmayan bu silahlıların çadırına Rusiya istehsalı olan Mi-8 tipli helikopterin enməsi, silahlıların Rus ordusuyla bağlantılı olduğu iddiasını gücləndirir. Birliyin Ukrayna qəsəbəsi Starobeşevedə üsyançılara yardım etdiyi iddia edilir.
Vüsal Qarayev
Türkiyə Milli Suverenlik və Uşaq Bayramı Gününü qeyd edir
Aİ İrana qarşı sanksiyalarını davam etdirir
Xalq yazıçısı Elçin Əfəndiyevin son durumu AÇIQLANDI
Sabahın hava proqnozu
.jpg)
