Qadınları əxlaqsızlığa sövq edən qadın hüquq mühafizəçiləri tərəfindən tutulub
Bakıda qadınları aldadaraq Rusiyaya aparan qadın alverçisi yaxalanıb.
Simsar.azın Daxili İşlər Nazirliyinin mətbuat xidmətinə istinadən verdiyi məlumata görə, əməliyyat İnsan Alverinə Qarşı Mübarizə İdarəsi əməkdaşları tərəfindən aparılıb.
Keçirilən əməliyyat tədbirləri nəticəsində Bakı şəhər sakini Sima Nəsirovasaxlanılıb.
Müəyyən olunub ki, Sima Nəsirova gəlir əldə etmək məqsədilə qadınları Rusiya Federasiyasına aparırmış. O, qadınları Rusiyada cinsi istismara məruz qoyub.
Faktla bağlı araşdırma aparılır.