Pakistanın müxalifət partiyası Tehrk-i-İnsaatın bütün deputatları parlamentdən çıxdığını bildirib.
Simsar.az-ın məlumatına görə, keçmiş kriket oyunçusu, indi isə bu partiyanın sədri olan İmran Xan bununla parlamentin avqustun 21-də verdiyi qərara etirazını bildirir.
Parlament İmran Xanın çağırışı ilə küçə nümayişlərinin baş nazir Navaz Şərifi zorla istefaya göndərməsi səylərini konstitusiyaya zidd adlandırıb.
İslamabadda İmran Xanın və populist dini lider Ul-Qadrinin çağırışları ilə müxtəlif nümayişlər gedir. Onların məqsədi baş nazirin istefasıdır.