Suraxanı yolunda, Zabrat istiqamətində iki qəza hadisəsi baş verib.
Hadisə şahidlərinin verdiyi məlumata görə, “Kia Kadenza” markalı avtomobili marşrut avtobusu vurub və səki kənarındakı dirəklərə sıxıb.
Hadisədən az sonra isə eyni məkanda daha bir qəza yaşanıb. “Opel” markalı avtomobil yüksək sürət səbəbindən idarəetməni itirib və yol arakəsməsinə çırpılıb.
Xoşbəxtlikdən, hər iki hadisə xəsarətsiz nəticələnib.
DYP əməkdaşları hadisə yerində araşdırma aparırlar.