Səbəbi bilinmir
Azərbaycan Ordusunun əsgəri dünyasını dəyişib.
APA-nın məlumatına görə, hadisə martın 31-də Müdafiə Nazirliyinin Naftalanda yerləşən “N” saylı hərbi hissəsində qeydə alınıb. 2010-cu ildə Bakının Nərimanov Rayon Hərbi Komissarlığından həqiqi hərbi xidmətə çağırılmış, 1991-ci il təvəllüdlü Məmmədli Kamil Lətif oğlu vəfat edib.
Müdafiə Nazirliyinin mətbuat xidmətinin rəis müavini Teymur Abdullayev APA-ya açıqlamasında faktı təsdiqləyib. Bildirib ki, hazırda əsgərin ölümünün səbəbləri araşdırılır.