“Zalsburq” üzərində qələbədən sonra “Qarabağ” Avropanın diqqət mərkəzinə düşüb
Simsar.az xəbər verir ki, UEFA-nın klub haqqında dərc etdiyi məqalədə “Qarabağ”ın tarixi, nailiyyətləri, hazırkı heyəti ilə bağlı məlumatlar yer alıb. Oyun üslubu ilə “Barselona”nı xatırlatdığı bildirilən yazıda komandanın daha çox 4-3-3, 4-5-1 və ya 4-6-0 taktiki sxemləri ilə meydana çıxdığı haqqında məlumat verilib. Oyun üslubuna görə “Qafqazın Barselonası” kimi tanınan komandanın ləqəbinin “Köhlən atlar” olduğu yazılıb. Klubun işğal edilmiş Ağdam rayonunu təmsil etdiyi də məqalədə xüsusi vurğulanıb.
Baş məşqçi Qurban Qurbanovun az təcrübəsi olmasına baxmayaraq, yetərincə uğura nail olduğu və azarkeşlər tərəfindən çox sevildiyi də bildilirib.
Komandanın əsas oyunçuları kimi isə Reynaldo, Almeyda, Çumbinyo və Danilo Diasla yanaşı, təcrübəli oyunçu Rəşad Sadıqovun da adı çəkilib.
Vüsal Məmmədzadə