Yaponiyanın böyük bir hissəsini əhatə edən şiddətli istilər səbəbindən ötən həftə ölkədə həlak olanların sayı 15 nəfərə çatıb, 8 mindən çox insan isə xəstəxanalara yerləşdirilib.
Simsar.az xarici mətbuata istinadən xəbər verir ki, bu barədə Yaponiyada Fövqəladə Hallar Nazirliyinin və Təcili Tibbi Yardım Xidmətinin funksiyalarını həyata keçirən Mərkəzi Yanğınsöndürmə İdarəsi məlumat yayıb.
Xilasedicilərin bildirdiyinə görə, günvurmadan zərər çəkənlərin sayı 2,6 dəfə artaraq 8580 nəfərə çatıb. Yaponiyanın əksər ərazilərində anomal istilər davam etməkdədir. Sinoptiklərin proqnozuna görə, termometrlərin civə sütununun gün ərzində 30 dərəcə Selsidən yuxarı qalxacağı, bəzi rayonlarda isə hətta 36 dərəcəni keçəcəyi gözlənilir. Hakimiyyət orqanları sakinlərə küçəyə başı açıq çıxmamağı və çoxlu su içməyi tövsiyə edirlər.
Günel