“Azərbaycanda demək olar ki, hər gün zəlzələ baş verir, sadəcə, hiss olunmur. Hal-hazırda respublikanın seysmik durumu fon səviyyəsindədir”.
Bu barədə Respublika Seysmoloji Xidmət Mərkəzinin seysmoloji şöbəsinin müdiri Tahir Məmmədli Simsar.az-a açıqlamasında bildirib. Onun sözlərinə görə, gündə minlərlə bu tipli yeraltı təkanlar olur: “Bu zəlzələlərin gücü çox olanda, onu mətbuata bildiririk. Belə zəlzələlər anomal təhlükələr yaratmır. Gələcəkdə güclü zəlzələ olsa belə, biz əvvəlcədən bu barədə proqnoz verə bilmərik. Hələ ki, elmdə qabaqcadan zəlzələ proqnozu vermək mümkün deyil.
Son iki gündə Naxçıvanda və Xəzərdə baş verən yeraltı təkanlara gəlincə, T.Məmmədli bunun gözlənilən olduğunu deyib. “Zəlzələ yerli vaxtla saat 05:17:39-da Naxçıvandan 19 km şimal-qərbdə Şərurda qeydə alınıb. Yeraltı təkanın maqnitudası 3, dərinliyi 13 km olub. Zəlzələ hiss olunmayıb. Xəzərdə baş verən zəlzələ Nardarandan 28 km şimal-şərqdə qeydə alınıb. Maqnitudası 3.4 olan, 50 km dərinlikdə baş verən zəlzələ hiss olunmayıb.
Alimin sözlərinə görə, belə yeraltı təkanlar ara-sıra olur. Lakin bəziləri gücünə görə hiss olunur. Çoxu isə hiss olunmur. “Bakı üçün zəlzələ qorxusu ən çox Xəzərdən gəlir. Bundan başqa, Hacıqabulda, Şamaxıda, Siyəzəndə və s. ərazilərdə baş verən yeraltı təkanlar da paytaxtda müəyyən qədər hiss oluna bilər. Lakin ən güclü təkanlar Xəzərdən hiss olunur”, -deyə Tahir Məmmədli bildirib.
O, belə proqnozların əhali arasında təşviş yaratdığını da deyib. “Bu hadisənin qabaqcadan proqnozunu vermək nə qədər çətindirsə, məlumatı əhaliyə çatdırmaq da o qədər məsuliyyət tələb edir. Aktiv bir ocaqda zəlzələ olacağı ehtimalı böyükdür, amma boşalmalar nəticəsində heç nə olmaya bilər, bunu əhaliyə qabaqcadan demək düzgün deyil”.
Sonda T.Məmmədli bildirib ki, Azərbaycanda yeraltı təkanların çoxu şimal zonasında, Şamaxı, Zaqatala, Şəki zonasında müşahidə olunur. Çünki bu ərazilər seysmoaktivliyi çox olan ərazilərdir. Bütün bu proseslər diqqətlə izlənir və tədqiq olunur. Əgər əvvəl Azərbaycanda 14 seysmik stansiya vardısa, indi 35 stansiya fəaliyyət göstərir. Bunun sayəsində ən xırda təkanlar da qeydə alınır. Lakin, yaxın müddət ərzində Azərbaycanda dağıdıcı gücə malik heç bir zəlzələ gözlənilmir.
Aysel Kərimova
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
