“Qəbələ Beynəlxalq Musiqi Festivalının nüfuzu ildən-ilə artır. Bu ilki festivalın proqramı çox zəngindir. Festivalda bir-birindən maraqlı konsertlər olacaq və müxtəlif janrlarda musiqi əsərləri səsləndiriləcək. Düşünürəm ki, Fərhad Bədəlbəyli: Bu Festival haqqında hələ çox danışılacaq”.
Simsar.az xəbər verir ki, bu sözləri Qəbələ VI Beynəlxalq Musiqi Festivalının bədii rəhbərlərindən biri, Üzeyir Hacıbəyli adına Bakı Musiqi Akademiyasının rektoru, Xalq Artisti Fərhad Bədəlbəyli jurnalistlərə açıqlamasında deyib.
Fərhad Bədəlbəyli konsertlərdə Rusiya, Türkiyə, Cənubi Afrika Respublikası, ABŞ, Kanada, İsrail və Avstriyanın müasir ifaçılıq sənətinin zirvəsində duran dünya şöhrətli ustad sənətkarların və məşhur kollektivlərin iştirak edəcəyini bildirib.
F.Bədəlbəyli festivalda simfonik və kamera konsertlərinin, muğam gecəsinin, caz axşamlarının musiqisevərlərə dünya musiqisinin zənginliyini duymağa imkan verəcəyini qeyd edib.
Azərbaycanın füsunkar guşələrindən olan Qəbələnin ənənəvi beynəlxalq musiqi festivalına ev sahibliyi etdiyini bildirən F.Bədəlbəyli burada səslənən musiqinin yerli əhaliyə unudulmaz anlar bəxş edəcəyini, tamaşaçılar tərəfindən rəğbətlə qarşılanacağını əminliklə söyləyib. O, festival çərçivəsində bir çox maraqlı təqdimatların da keçiriləcəyini bildirib.
Fərhad Bədəlbəyli Heydər Əliyev Fondunun möhtəşəm mədəniyyət layihələrindən biri kimi beynəlxalq aləmdə böyük əks-səda doğuran bu möhtəşəm musiqi bayramının təkrarolunmaz dəst-xəttinin olduğunu qeyd edib.
Günel
Çingiz Abdullayevin səhhəti ilə bağlı vəziyyət açıqlanıb
Prezident İlham Əliyev Slovakiyanın yeni dövlət başçısını təbrik edib
Seymur İsayev: "Bu sahə iqtisadi inkişaf strategiyasının prioritetlərindən biridir"
Ramin Məmmədov Dini Qurumlarla İş üzrə Dövlət Komitəsinə sədr təyin edildi –Do sye
.jpg)
