Nəsimi rayonunda törədilən daha bir qətlin üstü açılıb. Belə ki, iyulun 11-də 31 yaşlı qadın yaşadığı mənzildə zorakılıqla qətlə yetirilib. Keçirilən istintaq tədbirləri nəticəsində məlum olub ki, Natavan Əliyeva 26 yaşlı Quba sakini Tahirov Tərlan tərəfindən öldürülüb. Baş Prokurorluqdan Simsar.az-a verilən məlumata görə, o, tamah məqsədilə iyulun 10-da əvəllər mebel quraşdırdığı mənzilə gəlib. Və üstündə gəzdirdiyi bıçaqla ev sahibi Əliyevanın bədəninə çoxsaylı xəsarətlər yetirib. Daha sonra mənzildə axtarış apararaq qadına məxsus qızıl-zinət əşyalarını götürərək hadisə yerindən qaçıb.
Dindirilmə zamanı T. Tahirov törətdiyi qətli etiraf edib.
Hazırda iş üzrə tamah məqsədi ilə qəsdən adam öldürmə maddəsi ilə istintaq davam etdirilir.
Ülviyyə Cövdətqızı