Rusiyanın nüfuzlu elmi nəşrlərindən biri olan “Müasir elmi fikir” (“Sovremennaya nauçnaya mısl”) jurnalının tarix bölməsində Azərbaycanın Əməkdar İncəsənət Xadimi, professor Vidadi Muradovun “Azərbaycan xalçalarının İrəvan qrupu” (“Erivanskaya qruppa azerbaydanskix kavrov”) sərlövhəli məqaləsi dərc edilib.Simsar.az xəbər verir ki, Rusiya elmi nəşrlərində Azərbaycan xalçalarının İrəvan qrupu haqqında verilən ilk obyektiv informasiya, elmi məqalədir. Professor V.Muradov məqalədə tarixi Azərbaycan torpağı olan İrəvan xanlığının inzibati sərhədləri, əhalisinin etnik tərkibi, məşğuliyyəti, bu bölgədə inkişaf etmiş sənətkarlıq sahələri, o cümlədən xalçaçılıq və boyaqçılıq haqqında geniş məlumat təqdim edib. Xovlu və xovsuz xalçaları Ağbaba, Şörəyel, Loru, Pəmbək, Şəmşəddin, Göyçə, Gərnibasar, Vedibasar, Qırxbulaq, Əştərək, Zəngəzur, Dərələyəz və s. kimi mahallar, İrəvan şəhəri üzrə təsnifata cəlb edən alim, onların təkamülünü tarixi, ədəbi kontekstdə, folklor nümunələri, adət-ənənələr zəminində araşdırıb.
Məqalədə İrəvan xalçalarının digər xalça qruplarına aid nümunələrlə oxşar və fərqli cəhətlərinin geniş şəkildə təhlili, semantik xüsusiyyətlərinin müqayisəsi, naxış-ornament sisteminin izlənməsi İrəvanın, bütövlükdə hazırda Ermənistan Respublikası adlanan ərazinin qədim Azərbaycan torpağı olması faktına kulturoloji istinad rolunu oynayır.
Jurnalın təsisçisi Rusiya Tarix, İqtisadiyyat və Hüquq Elmi-Tədqiqat İnstitutu, baş redaktoru isə tarix elmləri doktoru, professor İqor Turitsindir.
Günel
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
