ATƏT Parlament Assambleyasının prezidenti Petros Eftimiu mayın 12-də Azərbaycana gələcək
Bu barədə APA-ya ATƏT PA-nın katibliyindən məlumat verilib.
P. Eftimiu mayın ilk yarısında Cənubi Qafqaz bölgəsinə səfərə çıxacaq. Səfər Ermənistandan başlayacaq. P. Eftimiu mayın 9-da Ermənistana gedəcək, 12-13 mayda Azərbaycanda olacaq, 14-də isə Gürcüstana yollanacaq.
Xatırladaq ki, P. Eftimiu 2010-cu ilin iyulunda ATƏT PA-nın prezidenti seçilib.