Dünyada smartfonların satışı tədricən zəifləsə də, “ABI Research” analitiklərinin qənaətinə görə, yaxın illərdə bu bazarda müsbət dinamika saxlanılacaq.
Simsar.az xəbər verir ki, ekspertlərin proqnozuna görə, cari ildə smarfonların qlobal tədarükü 1,25 milyon qurğuya çatacaq, daha dörd ildən sonra 2 milyardlıq səviyyəni ötəcək. Ümumilikdə bazarın nəzərdən keçirilən dövrdə (2014-2019-cu illər) həcmi ildə təxminən 12 faiz artacaq.
Rəqəmləri şərh edən “ABI Research” analitiki Nik Spenser qeyd edib ki, artım tempinin zəifləməsinə baxmayaraq smartfonlar bazarı genişlənmə imkanına malikdir, çünki dünyada mobil abunəçilər arasında smartfon sahiblərinin payı hələ ki 30 faizə çatmayıb.
Mütəxəssislərin sözlərinə görə, inkişaf etmiş bazarlarda bu nisbətin yüksək olması və 60 faiz təşkil etməsi səbəbindən gələcəkdə smartfonlar inkişaf etməkdə olan bazarlara daha fəal yayılacaq, onların orta satış qiyməti isə ucuzlaşacaq.
Analitiklərin fikrincə, dünya smartfonlar bazarında əsas hərəkətverici qüvvə Çin və Hindistan istehsalçıları (Xiaomi, Huawei, ZTE, Micromax, Karbonn, Lava və s.) olacaq. Bu istehsalçılar Afrika, Asiya, Yaxın Şərq və Cənubi Amerika ölkələri üçün nəzərdə tutulan “Android” əməliyyat sistemli ucuz qurğularda ixtisaslaşıb.
Vüsal Qarayev
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
