"Bağçanın qanunsuz fəaliyyətindən Vergilər Nazirliyinə müraciət etmişik"
Təhsil Nazirliyi Bakı şəhərində qanunsuz fəaliyyət göstərən uşaq bağçası aşkarlayıb.
Bu barədə APA-ya nazirliyin akkreditasiya şöbəsinin müdiri Həbib Zərbəliyev məlumat verib.
Onun sözlərinə görə, adsız fəaliyyət göstərən bu bağça ilə bağlı müvafiq tədbirin görülməsi üçün artıq Vergilər Nazirliyinə məlumat verilib.
H. Zərbəliyev qanunsuz işlədiyi üçün bu bağçanın fəaliyyətinin dayandırılmalı olduğunu da söyləyib. Nazirlik rəsmisinin sözlərinə görə, Təhsil Nazirliyi bu bağçaya kiçik yaşlıların hansı səviyyədə cəlbi ilə bağlı məlumat toplaya bilməyib: “Biz o bağçaya gedəndə qapını açmadılar. Amma biz Vergilər Nazirliyinə müraciət etmişik. Yəqin ki, yaxın günlərdə Vergilər Nazirliyindən müraciətimizə cavab gələcək”.
Qeyd edək ki, ötən il Azərbaycanda 9 uşaq bağçasına lisenziya verilib.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
