“Muğam aləmi” II Beynəlxalq muğam festivalı başa çatıb
APA-nın məlumatına görə, beynəlxalq muğam müsabiqəsinin münsiflər heyətinin üzvləri - Azərbaycanın xalq artistləri Arif Babayev, Ramiz Zöhrabov, YUNESKO-nun nümayəndəsi, Paris Milli Elmi Araşdırmalar Mərkəzinin professoru Jan Dürinq, türkiyəli musiqişünas, bəstəkar Ozan Yarman, amerikalı alim Uilyam Samts və iranlı bəstəkar, musiqişünas Ehsan Xezrlou olduqca gərgin keçən yarışmanı ədalətli qiymətləndiriblər. Beynəlxalq muğam müsabiqəsinin “Qran-pri” mükafatına layiqli namizəd olmadığından 1-ci yer iki ifaçıya təqdim edilib. Azərbaycanlı xanəndə Ehtiram Hüseynov və İranın-Tehran “Sepehr” ansamblı birinci yerə layiq görülüb. Onlara fəxri fərman, 15 min avro pul mükafatı və festivalın emblemi təqdim edilib.
Heydər Əliyev Fondunun, Mədəniyyət və Turizm Nazirliyinin, Azərbaycan Bəstəkarlar İttifaqının birgə təşkilatçılığı ilə keçirilən müsabiqədə Çin Xalq Respublikasının Urumçi şəhərindən olan musiqi qrupu ikinci yeri tutub, fəxri fərman, 10 min avro və müsabiqənin emblemi ilə mükafatlandırılıb. Üçüncü yerlərə isə Mərakeşin “Makam” və İordaniyanın “Şərq-bənd” ansamblları layiq görülüb. Onlara da fəxri fərman, müvafiq olaraq 5 min avro pul mükafatı və müsabiqənin emblemi təqdim olunub.
Müsabiqədə müxtəlif nominasiyalar üzrə fərqlənmiş musiqiçilər də mükafatlandırılıblar. Azərbaycanın Mədəniyyət və Turizm Nazirliyinin “Qarabağ şikəstəsi”nin ən yaxşı ifaçısı nominasiyası üzrə mükafatı türkiyəli müğənni Yeşim Köksala, Milli Konservatoriyanın xüsusi mükafatı isə özbəkistanlı Camaləddin Avazovun ailə qrupuna təqdim edilib.
Müsabiqəyə Azərbaycan, Türkiyə, Özbəkistan, Çin, Hindistan, İordaniya, İran, Küveyt və Mərakeşdən olan ifaçılar qatılıblar. Azərbaycan yarışmada beş ifaçı ilə təmsil olunub.
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
