Avropa bəşəriyyət tarixində nəhəng rentgen teleskopunun yaradılmasına yönələn layihəyə başlayıb. Belə ki, uzunluğu 12 m, çəkisi 5 ton təşkil edən “Athena” kosmik aparatının 2028-ci ildə orbitə buraxılması planlaşdırılır.
Simsar.az xəbər verir ki, layihə Avropa Kosmik Agentliyinin (ESA) Elmi proqramlar komitəsi tərəfindən Tuluzada (Fransa) keçirilən görüşündə təsdiq olunub. Layihənin həyata keçirilməsi 1 milyard dollar dəyərində qiymətləndirilir.
Kosmosa nəhəng rentgen aparatın buraxılması üzrə layihəyə son qərarın komitənin 2019-cu ildə keçiriləcək növbəti iclasında veriləcəyi gözlənilir. “Athena” daha uzun dalğalarda müşahidələr aparan “Square Kilometre Array” və “European Extremely Large Telescope” kimi böyük teleskopların oxşarı olmaqla növbəti nəsil rəsədxana kimi qələmə verilir.
“Athena”-nın həssaslığı hazırkı ən yaxşı “Chandra” və “XMM-Newton” kosmik rentgen aparatları ilə müqayisədə yüz dəfə artırılacaq. Yeni aparat kosmosun dərinliklərini müşahidə etməyə imkan verəcək qabaqcıl optika və detektorlarla təchiz ediləcək.
“Athena” qalaktikaların yaranma prosesini, eləcə də onların mərkəzində yerləşən böyük “qara dəliklər”in mənşəyini və inkişafını tədqiq edəcək. Bu proseslərin hamısı elektromaqnit şüalanması spektrinin rentgen hissəsindəki yüksək enerji ilə əlaqədardır.
Qeyd edək ki, “Athena”-nın kosmosa “Ariane 5” raketdaşıyıcısı ilə çıxarılması nəzərdə tutulur. Lakin problem ondadır ki, 2028-ci ilədək bu raket istehsaldan çıxarıla bilər. Bu səbəbdən Avropa qeyd olunan vaxtadək “Ariane 6” raketdaşıyıcısını hazırlamaq niyyətindədir.
Vüsal Qarayev
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
