AXCP-nin müraciətdən xəbəri yoxdu, Müsavat isə...
Vətəndaş və İnkişaf Partiyası ilə Azərbaycan Liberal Partiyası 6 müxalifət partiyasına “bir araya gələk” müraciəti ünvanlayıb.
Demokrat, Klassik Xalq Cəbhəsi, Milli Istiqlal, Müsavat, Ümid, Xalq Cəbhəsi partiyalarına ünvanlanan müraciətdə indiki şərait üçün onların üzərinə xüsusi məsuliyyət düşdüyü vurğulanır.
Müraciət müəllifləri ölkədə yaranmış indiki durumu müzakirə etmək üçün partiyaları martın 27-də bir məkanda toplanmağa dəvət edir. Müraciətdə qeyd olunur ki, ADP, KXCP və Ümid partiyaları bu göruşdə iştirak etməyə razıdırlar.
AXCP sədrinin müavini Fuad Qəhrəmanlı isə Simsar.az-a açıqlamasında bildirib ki, müraciət müəlliflərinin məqsədləri onlara aydın deyil: “Hələ bizə müraciət daxil olmayıb. Müraciət daxil olandan sonra mövqeyimizi bildirəcəyik”.
Müsavat Partiyası başqanının müavini Tofiq Yaqublu birliyə yönəlmiş bütün addımıarı alqışladıqlarını deyib: “Biz Vətəndaş və İnkişaf Partiyası ilə Azərbaycan Liberal Partiyasının təşəbbüslərinə kölgə salmaq istəmirik. Müxalifətin İctimai Palatası varsa, başqa birliyə nə ehtiyac var. Əksinə, yeni birlik ideyası mövcud birliyə zərbə vura bilər”.
RAMİL
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
