“Əli İnsanovu korrupsiyada ittiham edəndə bəzi millət vəkilləri üstümə düşdülər ki, Əli İnsanov təmiz adamdır, ətəyində namaz qılmaq olar”
«Görünür, Rəbiyyət Aslanova mənim yazımı axıra qədər oxumayıb. Ya da yazdıqlarımı düzgün başa düşməyiblər. Bir halda ki, prezident İlham Əliyev, Prezident Administrasiyasının rəhbəri Ramiz Mehdiyev ölkədə inhisarçılığın, korrupsiyanın olduğunu bildirir, millət vəkili niyə susmalıdır?».
Bunu deputat Gülər Əhmədova Simsar.az-a açıqlamasında həmkarı Rəbiyyət Aslanovanın fikirlərinə cavab olaraq bildirib.
G.Əhmədovanın “Bizə inqilab lazımdır” başlıqlı yazısında işlətdiyi “həyasız, abırsız, büdcəni çapıb-talayan korrupsionerlər...” ifadələri R.Aslanovanı deputat həmkarının ünvanına bu sözləri deməyə vadar edib: “Onun iqtidarda olan insanlara bu cür münasibət bildirməsi qətiyyən düzgün deyil. Hesab edirəm ki, Gülər xanım bu yazısında emosionallığa çox yol verib. Qeyri-obyektivlik də var".
G.Əhmədova isə Simsar.az-a açıqlamasında əlavə edib ki, Azərbaycanda korrupsiyanın olduğunu prezident də təsdiqləyib: «Prezident bir çox millət vəkillərindən daha açıq, daha cəsarətli danışır. Tərifləməklə inkişaf etmək düzgün deyil, bununla insanlarda yalnız qıcıq yaradırıq. 2003-cü ildə mən səhiyyə naziri Əli İnsanovu korrupsiyada ittiham edəndə bəzi millət vəkilləri üstümə düşdülər. Dedilər ki, Əli İnsanov təmiz adamdır, ətəyində namaz qılmaq olar. Nəticə nə oldu? Axırda naziri həbs etdilər. İndi də belələri var”.
RUSLAN
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
