“BDU-nun hüquq fakültəsinə, Tibb Universitetinə qəbul üçün 100-150 min rüşvət alırlar”
Millət vəkili Fəzail Ağamalı Milli Məclisin bugünkü iclasında Tələbə Qəbulu üzrə Dövlət Komissiyasının (TQDK) ünvanına sərt ittihamlar səsləndirilib. Lent.az-ın məlumatına görə, millət vəkili hökumətin hesabatına həsr olunmuş çıxışında TQDK-da korrupsiya hallarının olduğunu deyib. O qeyd edib ki, TQDK-nın strukturunda korrupsionerlik halları var və komissiya özü böyük bir repititorluq şəbəkəsi yaradıb. Onlar özləri hazırladıqları sualları bu şəbəkə vasitəsilə genişləndirməklə məşğuldur.
F.Ağamalı həmçinin qeyd edib ki, komissiya repititorluqla məşğul olsa da, vergidən yayınır: “TQDK mətbuata açıqlamalarında, verdiyi bəyanatlarda orta məktəblərdə təhsilin aşağı səviyyədə olmasını bildirir. Mütəmadi olaraq, hər il orta məktəblərdə təhsilin aşağı olmasını, attestat ballarının şagirdlərin biliyini düzgün əks etdirmədiyini iddia edir. Necə ola bilər ki, həmin şagirdlər daha sonra ali məktəblərə qəbul olunurlar? Oranı bitirdikdən sonra dövlət idarələrində çalışırlar, o cümlədən ali məktəblərdə pedaqoji fəaliyyətlə məşğul olurlar? Bu, başadüşülən deyil. TQDK-da rüşvətxorluq halları var. Hər il BDU-nun hüquq fakültəsinə, Tibb Universitetinə TQDK xətti ilə tələbələr qəbul edilir. Həmin tələbələr 100-150 min manatadək rüşvət verib qəbul olunurlar”.
F.Ağamalı onu da bildirib ki TQDK-nın strukturunda islahatlar aparılmalı, xüsusi ilə də oradakı korrupsiya hallarına şərait yaradan məsələlər yoxlanılmalı iş prosesi təkmilləşdirilməlidir.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
