Fəzail Ağamalı: “O, Azərbaycan siyasətinə əxlaqsızlıq gətirmək istəyir”
“ Deputatlar qeyri-ciddi, 99 faizi bisavad adamlardır. Onların 100 faizinin iradəsi, mövqeyi yoxdur. Onlar Prezident Administrasiyasının göstərişi ilə hərəkət edirlər. Göstəriş gəlməyəndə də çalışırlar ki, Prezident Administrasiyasında küləyin hansı səmtə əsəcəyini tutsunlar. Odur ki, deputatların bəyanatlarını, qiymətləndirmələrini və mövqelərini ciddi qəbul etmək lazım deyil”.
Politoloq Zərdüşt Əlizadə bu fikirləri mətbuata açıqlamasında bildirib.
Politoloqun ittihamları deputat Fəzail Ağamalının narazılığına səbəb olub.
«Zərdüşt Əlizadənin adı gələndə məndə allergiya yaranır. Əlizadə dünənədək Soros Fondunun imkanlarından istifadə edərək Azərbaycanın dövlət maraqlarının əleyhinə çalışıb. O, Azərbaycan siyasətinə əxlaqsızlıq gətirmək istəyir» deyə, F. Ağamalı «Yeni Müsavat»a açıqlamasında deyib.
F.Ağamalı Z.Əlizadənin atası haqqında da danışıb: “30-cu illərdə neçə-neçə Azərbaycan şairini həbsxanaya saldıran onun atası 70-ci illərin əvvəllərində DTK-ya Əbülfəz Elçibəy haqqında donoslar vermişdi. Bu, tarixdir. Əgər məsələləri daha geniş şəkildə öyrənmək və bilmək istəyirlərsə, 1937-39-cu illərdə ”Kommunist" qəzetində Mübariz Əlizadənin imzasına baxsınlar. Bəlli olacaq ki, o, nə qədər insanın həyatına böyük faciələr gətirib. Hətta bu faktlar da bəllidir ki, Stalin rejimində donosçuluq rolu oynayan Əlizadə 50-ci illərdə Bağırovun üzünə duranlardan biri olub».
RAMİL
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
