Azərbaycanda vərəmə qarşı Milli Strategiya hazırlanacaq
Simsar.az-ın verdiyi məlumata görə, bu barədə Səhiyyə Nazirliyinin Səhiyyə İcraatları və İnnovasiya Mərkəzində keçirilən tədbirdə məlumat verilib. Milli Strategiya səhiyyə sahəsində fəaliyyət göstərən QHT-lər, Səhiyyə Nazirliyi və ombudsman aparatının nümayəndələrinin iştirakı ilə hazırlanacaq. Milli Strategiyanın hazırlanması üçün hazırda beynəlxalq təcrübə öyrənilir. O cümlədən Cenevrədən Azərbaycana xüsusi nümayəndələr dəvət olunub.
Milli Strategiya 2014-cü ilə qədər Azərbaycanda vərəmə qarşı mübarizə tədbirlərinin gücləndirilməsi, risklərin qarşının alınması və vərəm xəstələrinin qeydiyyatının təkmilləşdirilməsini əhatə edəcək. Milli Strategiyanın noyabr ayında başa çatdırılması və gələn ildən tətbiq olunması gözlənilir.