TQDK jurnalistika üzrə qabiliyyət imtahanına qeydiyyatdan keçmiş bakalavrlara xəbərdarlıq edib. “Jurnalistika” ixtisası üzrə magistratura ixtisaslaşmalarına qəbul üçün qabiliyyət imtahanına qeydiyyatdan keçmiş bakalavrlar 2014-cü il aprelin 22-dən 24-dək qabiliyyət imtahanı verməlidirlər. Simsar.az xəbər verir ki, bu barədə Tələbə Qəbulu üzrə Dövlət Komissiyası məlumat yayıb. “İmtahan TQDK-nın binasında (ünvan: Bakı şəhəri, Akademik Həsən Əliyev küçəsi, 17) keçiriləcək. Qeydiyyatdan keçmiş bakalavrlar 18 aprel 2014-cü il tarixindən başlayaraq TQDK nın internet saytında müvafiq səhifəyə (http://eservices.tqdk.gov.az/erizemag/) daxil olaraq “Bakalavrın qabiliyyət imtahanına buraxılış vərəqəsi”ni çap edib götürməlidirlər.Eyni zamanda onlar buraxılış vərəqəsində göstərilən vaxtda qabiliyyət imtahanında iştirak etməlidirlər”. Bakalavrlar qabiliyyət imtahanına gələrkən özləri ilə aşağıdakı sənədləri gətirməlidirlər: 1) şəxsiyyətlərini təsdiq edən sənədi; 2) “Bakalavrın qabiliyyət imtahanına buraxılış vərəqəsi”ni; 3) özlərinin dövri mətbuatda, radio və televiziyada, internet KİV-lərdə yayımlanmış jurnalistika üzrə yazılarını (radio və televiziyada yayımlanmış çıxışlarının disk yazılarını; Bakalavr qabiliyyət imtahanına gələrkən dövri mətbuatda, radio və televiziyada, internet KİV-lərdə yayımlanmış jurnalistika üzrə yazılarını qovluqda Qabiliyyət imtahanı komissiyasına təqdim etməlidir. Qeydiyyatdan keçmiş, lakin dövri mətbuatda, radio və televiziyada, internet KİV lərdə yayımlanmış jurnalistika üzrə yazıları (çıxışları) olmayan bakalavrlar da qabiliyyət imtahanında iştirak etməlidirlər. Xatırladaq ki, Jurnalistika üzrə qabiliyyət imtahanı haqqında məlumat və imtahana hazırlaşmaq üçün ədəbiyyat (mənbə) siyahısı 3 aprel 2014-cü il tarixində TQDK-nın internet saytında (http://www.tqdk.gov.az/news/master/412/) yerləşdirilmiş və qabiliyyət imtahanına qeydiyyat aprelin 4-dən 14-dək internet vasitəsilə aparılıb.
Aysel Kərimova
Türkiyə Milli Suverenlik və Uşaq Bayramı Gününü qeyd edir
Aİ İrana qarşı sanksiyalarını davam etdirir
Xalq yazıçısı Elçin Əfəndiyevin son durumu AÇIQLANDI
Sabahın hava proqnozu
.jpg)
