Ceyhun Osmanlı: “Bunların bir çoxunun arxasında real adamlar dayanmır, saxta elektron ünvanlardır”
“Bu gün Azərbaycan bir çox region dövlətlərindən fərqli olaraq xarici asılılıq olmadan müstəqil siyasət yeridə bilən güclü bir dövlətdir. Azərbaycanın qarşısındakı hədəfləri və ona çatmağın yollarını aydın bilən lideri-prezidenti var. Azərbaycanın dünyada durmadan artan nüfuzu, rəğbəti var! Amma bütün bunlarla yanaşı, Qarabağ həsrətimiz, işğalda olan rayonlarımız, hər birimizin sahib çıxmalı olduğu problemlərimiz də var”.
Bunu Milli Məclisin deputatl Ceyhun Osmanlı APA-ya müsahibəsində bildirib. O, ictimai şəbəkələrdə aparılan inqilab ruhlu yazışmalara da münsibət bildirib: “Hər kəs istədiyi fikri irəli sürə bilər, çünki biz plüralist bir cəmiyyətdə yaşayırıq. Amma bir çox təşəbbüsləri təhlil edəndə aydın olur ki, bunların bir çoxunun arxasında real adamlar dayanmır, saxta elektron ünvanlardır və əslində belə adda adam heç mövcud deyil. Belə olan halda iki qənaətə gəlmək olur: Ya kimsə o qədər acizdir ki, kimliyini gizlədir, ya da bu, provokasiyadır və kənar qüvvələr tərəfindən idarə olunur. Biz unutmamalıyıq ki, bu gün “Facebook” və “Twitter”də Azərbaycan adları ilə qeydiyyatdan keçən və azərbaycanca yazan digər millətlər, o cümlədən ermənilər də var... Kimin niyyəti nədir bəlli olmaz...”
RAMIL
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
