Qaydaların sadələşdirilməsi fermerləri hərəkətə gətirib
Bu ilin yanvarından lizinq yolu ilə kənd təsərrüfatı texnikalarının satışı şərtlərin yumşaldılmasından sonra bölgələrdə bu imkanlardan yararlanmaq istəyən fermerlərin sayı artıb. “Aqrolizinq” ASC-dən Lent.az-a verilən məlumata görə, bu ilin ilk iki ayında qurumun rayonlarındakı filiallarına daxil olan müraciətlərin əksəriyyəti Mərkəzi Aran və qərb bölgəsindəki fermerlərin payına düşür. Qaydaların sadələşdirilməsindən sonra daxil olan müraciətlər əsasında yüzlərlə texnika alqı-satqı yolu ilə artıq sahibkarlara təhvil verilib.
Səhmdar Cəmiyyətdə bildirirlər ki, lizinq yolu ilə kənd təsərrüfatı texnikası almaq istəyən fermerlər texnikaların dəyərinin 10 faizini əvvəlcədən, qalan hissəsini isə 9 il ərzində ödəyə bilər. Səhmdar Cəmiyyətin təkcə Gəncədəki filialından son iki ayda 123 traktor, 117 şum kotanı və 2 ədəd traktor qoşqusu satılıb.
Xatırladaq ki, “Aqrolizinq” ASC 2010-cu ilin sonunadək dövlət vəsaiti hesabına aldığı 10 min 334 kənd təsərrüfatı texnikasından cəmi 4 min 254-ü lizinq yolu ilə fermerlərə satıb. Yerdə qalan 6 min 80 texnika ya fermerlərə icarəyə verilib, yaxud da aqroservis mərkəzlərinin anbarlarında saxlanılır. Bu texnikalar 55 rayonda aqroservis filiallarının nəzdindəki 100-dən artıq mexanikləşdirilmiş dəstələr vasitəsilə fermerlərə pullu xidmət göstərir.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
