ELMİRA SÜLEYMANOVA İLLİK MƏRUZƏNİ TƏQDİM ETDİ
Fevralın 28-də ombudsman Elmira Süleymanova 2010-cu il üzrə məruzəni prezidentinə və dövlət qurumlarına göndərib. Ombudsman Aparatının mətbuat xidmətindən “Simsar.az” saytına verilən məlumata görə, “Azərbaycanda insan hüquqlarının və azadlıqlarının təmin edilməsi və müdafiəsinin vəziyyəti haqqında” məruzədə ombudsmanın insan hüquqlarının müdafiəsi sahəsində fəaliyyəti, dövlət qurumları, ictimaiyyətlə və kütləvi informasiya vasitələri ilə əməkdaşlığı, beynəlxalq əlaqələri, həmçinin insan hüquq və azadlıqlarının daha etibarlı təmin edilməsinə yönəlmiş təklif və tövsiyələri öz əksini tapıb. İllik məruzə Milli Məclisin iclasında dinləniləcək.
“Azərbaycan Respublikasının insan hüquqları üzrə müvəkkili (ombudsman) haqqında” konstitusiya qanununa əsasən, ombudsmanın illik məruzəsi il bitdikdən sonra iki aydan gec olmayaraq prezidentə təqdim edilməli, Milli Məclisə, Nazirlər Kabinetinə, Konstitusiya Məhkəməsinə, Ali Məhkəməyə və baş prokurora göndərilməlidir.
Azərbaycanda ombudsman institutu 2002-ci ildə yaradılıb. Həmin vaxtdan insan hüquqları üzrə müvəkkil postunu kimya elmləri doktoru, professor Elmira Süleymanova tutur.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
