Martın 2-də jurnalistlər mərhum baş redaktorun məzarını ziyarət edəcək
Martın 2-də jurnalist Elmar Hüseynovun qətlə yetirilməsinin 6 ili tamam olur. Mərhum jurnalistin atası Sabir Hüseynov “Media forum” saytına bildirib ki, hər həftə cümə axşamı günü qəbiristanlığa gedir, oğlunun məzarı üzərinə güllər qoyur və “Quran” oxutdurur. Artıq ixtiyar yaşda olduğunu deyən Sabir Hüseynov qeyd edib ki, başqa günlər az-az evdən çıxır: “Elmar üçün çəkdiyim əziyyətdən yorulmuram, bəlkə də məni hələ yaşadan budur”.
Sabir Hüseynov martın 2-də saat 12-də jurnalistlərin, siyasətçilərin, ictimaiyyət nümayəndələrinin, eləcə də beynəlxalq təşkilatlardan olan nümayəndələrin Elmarın məzarını ziyarət edəcəyini bildirib: “Onsuz da hər il onu ziyarət edirlər, sağ olsunlar! Hamımız gedəcəyik onun məzarını ziyarət etməyə. Hər kəs öz sözünü deyəcək”.
Nəvəsi haqqında məlumatlar aldığını deyən Sabir Hüseynov Aslanın artıq ikinci sinifdə oxuduğunu bildirib: “Bilirəm ki, vəziyyətləri yaxşıdır”.
“Monitor” jurnalının baş redaktoru Elmar Hüseynov 37 yaşında Bakıda, yaşadığı evin blokunda odlu silahla qətlə yetirilib. İstintaq işini Milli Təhlükəsizlik Nazirliyi araşdırır.
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
