Məleykə Abbaszadə:"Səhvlərin çoxu biologiya, botanika, zoologiya və insan anatomiyası dərsliklərinə aiddir"
Bəzi dərsliklərdəki səhvlər onların imtahan nəticələrinə mənfi təsir göstərə bilər
Tələbə Qəbulu üzrə Dövlət Komissiyası (TQDK) hazırda ümumtəhsil məktəblərində istifadə olunan dərsliklərdə çoxlu sayda səhvlər tapıb.
Simsar.az-ın məlumatına görə, TQDK sədri Məleykə Abbaszadə bu gün keçirdiyi mətbuat konfransında belə deyib. Onun sözlərinə görə, vəsaitlərdəki səhvlərin çoxu biologiya, botanika, zoologiya və insan anatomiyası dərsliklərinə aiddir. Komissiya sədri abituriyentlərə məsləhət görür ki, indiyədək bu dərsliklər üzrə topladıqları bilikləri TQDK-nın yeni hazırladığı vəsaitlər əsasında təkmilləşdirsinlər: “Çünki bu dərsliklərdə, ən çox da biologiya dərsliyində kifayət qədər səhv var. Bizim hazırladığımız nəşrlərdə isə bu səhvlər nəzərə alınıb və qəbul imtahanlarına düşəcək suallar məhz bizim vəsaitlərdə olan materiallar əsasında olacaq”.
Məleykə Abbaszadə deyib ki, ümumiyyətlə, son illər dərsliklərdə belə səhvlərin sayı xeyli çoxdur. Bu səbəbdən də TQDK dərsliklərdəki səhvlərlə bağlı “Abituriyent” jurnalında əlavə materiallar dərc etmək məcburiyyətində qalır. Onun sözlərinə görə, bu il də dərsliklərdəki səhvlər jurnalın birinci sayında göstərilib: “Jurnalın 57-ci səhifəsindən 66-cı səhifəsinədək məlumatlar təkcə dərsliklərdəki səhvlər haqqındadır. Çox təəssüf ki, belə səhvlər neçə illərdir təkrarlanır. Məsələn, Biologiya dərsliyində səhvlərə necə illərdir rast gəlinir”.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
