Rektor depuatata deyib ki, hüquq fakültəsinin dekanı işdən özü çıxıb, dekansa intihar həddindədi
Bakı Dövlət Universitetində (BDU) korrupsiyaya qarşı mübarizə çərçivəsində cəzalandırılan müəllimlər mətbuata açıqlamalarında rəhbərliyin qərarını tənqid ediblər.
BDU-nun qocaman professoru, hüquq elmləri doktoru, hüquq fakültəsinin dekanı olmuş Firudin Səməndərov cəzalandırılmasına daha sərt reaksiya verib.
«Axı kimə nə etmişəm ki? Ömrüm boyu müqəddəs pedaqoq olmuşam. Üzr istəyirəm, mən pul yığan olsaydım, belə dilənçi vəziyyətində yaşamazdım. Nə isə... Mənəvi cəhətdən çox ağrılı bir şeydir. Mənə yaraşmaz ki, qalxam unuversitetin üstündən özümü atam öldürəm. Çox xətrimə dəyildi. Universitetin rəhbərliyi də xətrimə dəydi. Axı məni tanıyırlar...» - deyə F.Səməndərov bildirib.
Məlumatlara görə, F.Səməndərovun açıqlamasından sonra BDU rəhbərliyi narazılıqların mətbuata çıxmasının qarşısının alınması üçün müəyyən addımlar atıb.
F.Səməndərovun elmi işçisi olmuş millət vəkili Çingiz Qənizadə
«Yeni Müsavat»a bildirib ki, F.Səməndərov cinayət hüququnun atası sayılacaq şəxslərdəndir.
Ç.Qənizadə qeyd edib ki, müəllimi ilə bağlı xəbərləri oxuyandan sonra rektor və həmkarı Abel Məhərrəmovla əlaqə saxlayıb: “Abel müəllim bildirdi ki, işdən çıxarılan adamlar arasında Firudin Səməndərovun adının hallandırılması mətbuatın məsələni düzgün işıqlandırmamasından irəli gəlib. Rektor qeyd etdi ki, korrupsiya və rüşvətə qarşı mübarizəni Firudin müəllimə qətiyyən şamil etmək olmaz. Firudin müəllim 4 ilə yaxın idi ki, hüquq fakültəsinin dekanı vəzifəsini icra edirdi. Bu müddətdə o, rəsmi ərizə ilə 4 dəfə rektora müraciət edib ki, onu tutduğu vəzifədən azad etsinlər. Universitet rəhbərliyi ilə söhbətlərim zamanı deyildi ki, yaxın bir-iki gündə bu məsələyə dair rəsmi mövqe açıqlanacaq».
Ramin
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
