AFFA-nın baş katibi Elxan Məmmədov futzal üzrə Avropa çempionatının əsas seçmə mərhələ oyunlarında iştirak edəcək Azərbaycan milli komandası ilə görüşüb.
Simsar.az-ın AFFA-nın rəsmi saytına istinadən verdiyi məlumata görə, fevralın 24-də Bakı İdman Sarayında start götürəcək yarışlara hazırlıqlarını davam etdirən yığma üzvləri ilə görüş elə həmin idman qurğusunda baş tutub.
Məmmədov dörd gün davam edəcək turnirin vacibliyini bir daha futzalçıların diqqətinə çatdırıb. Baş katib oyunların Bakıda keçirilməsinin azarkeş dəstəyi baxımından üstünlük, eyni zamanda daha böyük məsuliyyət olduğunu bildirib. O, millimizə uğurlar arzulayıb. Görüşün sonunda xatirə şəkli çəkdirilib.
Lakin AFFA-nın baş katibi fevralın 24-də yığmamızın Qazaxıstanla keçirəcəyi ilk oyunu yox, “Ştutqart” (Almaniya) və “Benfika” (Portuqaliya) komandaları arasında təşkil olunacaq Avropa Liqasının 1/16 final mərhələsinin cavab matçını izləyəcək. Elxan Məmmədov bu qarşılaşmada UEFA nümayəndəsi funksiyalarını yerinə yetirəcək.
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
