Xalq artisti Bakıya gəlmək istəyir
“Açılışda iştirak edib 15 gündən sonra yenidən İstanbula qayıtmalıyam”
İstanbul Memorial Xəstəxanasında müalicə olunan Azərbaycanın xalq artsti Yaşar Nuri gələn ay bir neçə günlük Vətənə qayıtmaq niyyətindədir. Yaşar Nuri APA-ya açıqlamasında bildirib ki, səhhətindəki problemlər nisbətən aradan qalxıb, ancaq qida qəbul etməsində problemlər yaranıb: “Heç nə yeyə bilmirəm. Qatığı belə az-az verirlər mənə. Çox çətinliklə uduram. Ağ ciyərimdə problemlər yavaş-yavaş aradan qalxır, ancaq yenə də tam yaxşılaşmamışam. Həkimlərlə danışmışıq, deyiblər get, 15 gendən sonra yenə qayıdarsan. 8 mart bayramı ərəfəsində Azərbaycana gəlmək istəyirəm”.
Y. Nuri qeyd edib ki, martın 10-da Akademik Milli Dram Teatrının təntənəli açılış mərasimində iştirak etmək üçün Bakıya gəlmək istəyir: “Açılışda iştirak edib 15 gündən sonra yenidən qayıtmalıyam. Hələ gələcəyim gün məlum deyil. Gəzməyim nisbətən yaxşılaşıb, yavaş-yavaş gəzirəm”.
Xatırladaq ki, Azərbaycanın xalq artisti Yaşar Nuri ötən ilin noyabrından sözügedən xəstəxanada müalicə olunur. Aktyor bir aydan artıq Memorial Xəstəxananın reanimasiyasında yatıb və sonra palataya köçürülüb. Hazırda isə Yaşar Nurinin səhhətindəki problemlərin tam aradan qalxması üçün lazımi prosedurlar həyata keçirilir.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
