ABŞ prezidenti Barak Obama dünyanın məşhur İKT şirkətlərinin rəhbərlərini və banilərini şam yeməyinə dəvət edib.
San-Fransisko yaxınlığında mətbuat üçün qapalı keçirilən görüş “Kleiner Perkins Caufield & Byers” vençur şirkətinin sahibi Con Doerrin evində baş tutub.
Görüşdə ağır xəstəlik səbəbindən müddətsiz məzuniyyətə çıxan “Apple” şirkətinin rəhbəri Stiv Cobs, “Facebook”un banisi Mark Tsukerberq, “Google”nin icraçı direktoru Erik Şmidt, həmçinin “Twitter”, “Yahoo!”, “NetFlix”, “Oracle” şirkətlərinin rəhbərləri və Stenford Universitetinin prezidenti iştirak ediblər.
Bildirilir ki, B.Obamanın görüşdə məqsədi dünyanın məşhur iş adamlarını Ağ Evin təşəbbüslərinin maliyyələşdirilməsinə cəlb etmək, o cümlədən respublikaçıların nəzarətində olan Konqresin yüksək texnologiyalı layihələrə büdcə vəsaitləri ayırmaqdan imtina etdiyi halda onların maliyyələşdirilməsini təmin etmək olub.
Prezident həmçinin yüksək texnologiyalı şirkətlərin rəhbərləri ilə ABŞ-da çoxlu sayda iş yerlərinin açılması məsələsini müzakirə edib.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
