Bəhreyn ordusu paytaxt Manamada təhlükəsizliyin təmin olunmasını öz üzərinə götürüb və şəhərin ən vacib rayonlarına nəzarət edir.
Simsar.az-ın “Associated Press”ə istinadən verdiyi məlumata görə, Bəhreyn Silahlı Qüvvələrinin rəhbərliyi bu bəyanatla çıxış edib. Ordunun dövlət televiziyasında oxunan bəyanatında kütləvi aksiyaların qadağan olunduğu bildirilib. Müdafiə Nazirliyinin nümayəndəsi ordunun asayişin bərpası üçün ən sərt tədbirlər görməyə hazır olduğunu açıqlayıb.
Bəyanatdan bir neçə saat əvvəl polis mitinqçiləri Manamanın baş meydanından çıxarıb. Nümayişin dağıdılması zamanı 4 nəfər ölüb. Şiə müxalifətinin lideri Abdul Cəlil Xəlil bildirib ki, nümayişçilərin öldürülməsinə etiraz olaraq parlamentin aşağı palatasının 18 üzvü mandatdan imtina edib.