Metyu Brayza: “Azərbaycan hökumətinin antikorrupsiya sahəsində təşəbbüsünü dəstəkləyirik”
“Biz Azərbaycan hökumətinin antikorrupsiya sahəsində təşəbbüsünü dəstəkləyirik. Bu təşəbbüsü davam etdirmək və dərinləşdirmək üçün ABŞ Azərbaycana dəstək verməyə hazırdır”.
APA-nın xəbərinə görə, bunu bu gün keçirdiyi brifinqdə ABŞ-ın Azərbaycana yeni təyin olunmuş səfiri Metyu Brayza bildirib.
Səfir bu gün Azərbaycan prezidenti İlham Əliyevlə keçirdiyi görüşdə bir sıra məsələlər, o cümlədə Azərbaycanda terror təhlükəsi ehtimalı barədə müzakirələr apardığını deyib: “Bu görüş dostluq və səmimiyyət şəraitində keçdi. Biz terror ehtimalı ilə bağlı məlumat verən mənbəni açıqlamırıq. Amma əgər terror təhlükəsi ilə bağlı ikinci dəfə xəbərdarlıq etmişiksə, bu o deməkdir ki, məsələ çox ciddidir. Onu da qeyd etmək istəyirəm ki, Azərbaycan hökumətinin bu məsələ ilə bağlı bizə göstərdiyi dəstəkdən çox məmnunuq”.
Türkiyə Milli Suverenlik və Uşaq Bayramı Gününü qeyd edir
Aİ İrana qarşı sanksiyalarını davam etdirir
Xalq yazıçısı Elçin Əfəndiyevin son durumu AÇIQLANDI
Sabahın hava proqnozu
.jpg)
