Bağla
Mən artıq bəyənmişəm!
    
Simsar.az | bizi özünüzə Simsar bilintopbannerleft Pcc

DSMF-nin gəlirləri 11 faiz artacaq

Azərbaycan Dövlət Sosial Müdafiə Fondunun (DSMF) 2014-cü ildə gəlirlərinin ötən illə müqayisədə 11% artacağı proqnozlaşdırılır. Simsar.az xəbər verir ki, bunu bu gün Milli Məclisdə «Azərbaycan Respublikasının Dövlət Sosial Müdafiə Fondunun (DSMF) 2014-cü il büdcəsi haqqında» qanun layihəsinin müzakirəsi zamanı çıxış edən DSMF-nin sədr müavini Elman Mehdiyev deyib.

Onun sözlərinə görə, Fondun 2014-cü il üçün gəlirləri 2 928 mln. manat həcmində nəzərdə tutulub: «Gəlirlərin 60,8%-ni və ya 1 784 mln. manatını məcburi dövlət sosial sığorta haqları üzrə daxilolmalar təşkil edəcək. Bu da 2013-cü ilin proqnozuna nisbətən 14,9% artım deməkdir».

DSMF rəsmisi bildirib ki, gələn il büdcədən maliyyələşən təşkilatlar tərəfindən ödənilən sosial sığorta haqları 660,4 mln. manat təşkil edəcək: «Fondun xərcləri gələn il üçün 2 928,5 mln. manat həcmində proqnozlaşdırılır. Bu, 2013-cü ilin proqnozuna nisbətən 295,8 mln. manat və ya 11,2% çoxdur. Əhaliyə ödənişlər 2 861,8 mln. manat təşkil edəcək. Əmək pensiyalarının ödəniş xərcləri isə əhaliyə ödənişlərin 97,4%-ni təşkil edəcək. Pensiya ödənişlərinə 2 788,6 mln. manat yönəldiləcək. Bu da 2013-cü illə müqayisədə 11,5% və ya 288,3 mln. manat çoxdur».

E.Mehdiyev qeyd edib ki, DSMF 2014-cü ildə büdcədənkənar təşkilatlardan daxilolmaların artımını proqnozlaşdırır: «Gələn il üçün Fondun gəlirləri ümumilikdə 2,928 mlrd. manat səviyyəsində proqnozlaşdırılır ki, bu da cari ilin müvafiq göstəricisini 11,2% üstələyir. Gələn il dövlət büdcəsindən DSMF-nin büdcəsinə transfertlərin həcminin azaldılması planlaşdırılır. DSMF-nin ümumi gəlirləri strukturunda dövlət büdcəsindən transfertlərin xüsusi çəkisi 38,9% təşkil edir ki, bu da 2013-cü ilin göstəricisindən 2 faiz bəndi aşağıdır».

Elmar Hüseynov





14 Noyabr, 2013  13:59 Baxılıb: 681 Çap

Bu bölmədə

18 İyul, 2017
Dollar ucuzlaşdı

XƏBƏR LENTİ


19 İyul, 2017  19:36




19 İyul, 2017  12:55


19 İyul, 2017  09:41

19 İyul, 2017  09:22






18 İyul, 2017  15:09



18 İyul, 2017  13:46

18 İyul, 2017  13:43


18 İyul, 2017  09:07








17 İyul, 2017  12:11




17 İyul, 2017  11:56

17 İyul, 2017  11:50



7 İyul, 2017  13:44

7 İyul, 2017  13:40








1 İyul, 2017  11:29



30 İyun, 2017  14:07