Mətbuat Şurası “reket” jurnalistikanın siyahısını açıqlamaqla prinsipial mövqe ortaya qoyur.
Bu barədə “Paritet” qəzetinin baş redaktoru Cəmaləddin Quliyev deyib. O bildirib ki, hər il Mətbuat Şurasına “reket” jurnalistikası ilə bağlı çoxlu sayda müraciətlər olunur.
Onun sözlərinə görə, artıq üç ilə yaxındır ki, KİV-in İnkişafına Dövlət Dəstəyi Fondu yaradılıb və bu da bilavasitə jurnalistlərin problemlərinin həlli ilə məşğul olan təşkilatdır.
“Fond fəaliyyət göstərdiyi müddət ərzində bir neçə dəfə həm jurnalist təşkilatları, həm də qəzetlər üçün layihə, müsabiqələr elan edib. Bu da mətbuat orqanlarının maddi-texniki bazasının xeyli dərəcədə möhkəmlənməsinə səbəb olub. Eyni zamanda, reklam və elanlar şurasının yaradılması ilə bağlı müzakirələr son mərhələdədir və inanırıq ki, o məsələ də müsbət həll olunacaq.
Jurnalistlərin peşəkarlığı ilə bağlı mövcud olan problem həlli ilə bağlı Mətbuat Şurası təşəbbüs göstərib. Hazırda jurnalistika institutunun yaradılması ilə bağlı müzakirələr gedir və hesab edirəm ki, bunun yaradılması istiqamətində hansısa addımlar atılacaq”, - deyə o əlavə edib.
Aprelin 21-də 9 illik baza üzrə buraxılış imtahanı keçiriləcək
Ağcabədi rayonunun 110 min manatlıq yolu... FOTO
“WhatsApp”da yeni funksiya var
Azərbaycan baleti İtaliya səhnəsində
.jpg)
