ASC-nin 1600 məntəqəsindən 1200-ü on-line sistemlə müştərilərə pulköçürmə xidməti göstərəcək
Novruz bayramına qədər “Azərpoçt” ASC-nin 170 məntəqəsi “Western ” pulköçürmə sisteminə qoşulacaq. Simsar.az-ın məlumatına görə, Rabitə və İnformasiya Texnologiyaları Nazirliyinin dövlət müəssisələrinin fəaliyyətinin əlaqələndirilməsi şöbəsinin poçt sektorunun rəisi Novruz Məmmədov “Western ”la əməkdaşlıq sazişinin imzalanması mərasimində belə deyib. Onun sözlərinə görə, hazırda 70-ə yaxın şöbə bu xidmətləri göstərir, Novruz bayramına qədər daha 100 şöbə sözügedən sistemə qoşulacaq.
Novruz Məmmədov deyib ki, “Western ” vasitəsilə pulköçürmələr həm milli, həm də xarici valyutada aparılacaq. Onun sözlərinə görə, hazırda Azərbaycanda 45 bankın 600-ə yaxın məntəqəsi fəaliyyət göstərir: “Azərpoçt”un isə ölkə üzrə fəaliyyət göstərən 1600 məntəqəsindən on-line sistemə qoşulmuş 1200 məntəqəsi “Western ” xidməti göstərəcək.
“Western ”un Şərqi Avropa və MDB ölkələri üzrə regional vitse-prezidenti Conatan Knaus isə deyib ki, təmsil etdiyi şirkət 160 illik təcrübəyə malikdir. Onun sözlərinə görə, “Western ” dünya üzrə 90 poçt müəssisəsi ilə əməkdaşlıq edir: “Şirkətimiz etibarlı və daha çox müştərilər üçün sərfəli olan xidmət göstərir. Ötən il “Western ” üçün uğurlu olub. Dünya üzrə pulköçürmələrin 70 faizi “Western ” vasitəsilə aparılıb. İnanıram ki, Azərbaycanda yeni tərəfdaşımızla imzaladığımız razılaşma üzrə əməkdaşlıq uzunmüddətli və hər iki tərəf üçün səmərəli olacaq”.
Seymur İsayev jurnalistləri təbrik etdi
Səyyad Aran və Siyavuş Heydərov vəzifədən azad edildi
Adil Əliyev icra başçısı təyin edildi
Aybəniz Haşımova Emin Əmrullayevə təşəkkür etdi
.jpg)
