Fevralın 17-də Bakının Novxanı qəsəbəsində yerləşən “Sərhədçi” Atçılıq Mərkəzinin qapalı manejində konkur növü üzrə “CSI2*-W” kateqoriyalı “WINTER CUP” adlı Dünya Kuboku Təsnifat Mərhələsinin yarışları təşkil olunacaq.
Azərbaycan Respublikası Atçılıq Federasiyasının mətbuat xidmətindən Lent.az-a verilən məlumata görə, 3 gün davam edəcək yarışda Azərbaycan, Rusiya, Gürcüstan, Bolqarıstan idmançıları iştirak edəcəklər.
Turnirin ümumi mükafat fondu 69 000 evro təşkil edir. Yarışları Türkiyə və İrandan dəvət olunmuş hakimlər idarə edəcəklər. Fevralın 19-da final mərhələsi – “Grand Prix” təşkil ediləcək. “Grand Prix”in nəticələri Beynəlxalq Atçılıq Federasiyası tərəfindən qeydə alınacaq. Yarışların nəticələrinə uyğun olaraq qalib idmançıların topladığı xallar onların 2012-ci il London Yay Olimpiya Oyunlarına vəsiqə əldə etməyinə böyük təsir göstərəcək.
Yarışlar hər gün saat 15:00-da başlayacaq.
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
Türkiyə Milli Suverenlik və Uşaq Bayramı Gününü qeyd edir
.jpg)
