Bakı sahillərində dayanan "Şirvan" yük gəmisində baş verən güclü yanğın nəticəsində bir nəfər ölüb, iki nəfər xəsarət alıb.
Bu barədə Trend-ə hüquq mühafizə orqanlarındakı mənbədən məlumat veriblər. Həlak olan Qarayev Raqif Yurka oğludur. Onun atası Yurka Qarayev isə xəsarət alıb.
Kliniki Tibbi Mərkəzdən öncə Trend-ə verilən məlumata görə, yanğın nəticəsində xəsarət alanlardan biri çərşənbə axşamı tibb mərkəzinə çatdırılıb.
"Bizim Mərkəz bir nəfər qəbul edib. Bu 1971-ci il təvəllüdlü Şaiq Nəsib oğlu Mirzəyevdir. Xəstə çənə nahiyəsində cüzi zədələr alıb. Onun vəziyyəti normaldır", Kliniki Tibbi Mərkəzdən Trend-ə deyiblər.
Çərşənbə axşamı gecə Bakı sahillərində dayanan "Şirvan" yük gəmisində güclü yanğın baş verib. Bu barədə Trend-ə Azərbaycan Dövlət Xəzər Dəniz Gəmiçiliyindən məlumat veriblər.
Dövlət Xəzər Dəniz Gəmiçiliyi rəhbərliyinin hadisə yerində gəldiyi bildirilib. Heç bir digər rəsmi məlumat verilməyib.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
