Bağla
Mən artıq bəyənmişəm!
solbanner
    
Simsar.az | bizi özünüzə Simsar bilinazem.az Tutu dieta

SİYASƏT

Sürücülər inzibati xətalara görə cərimələri yalnız bank və plastik kart vasitəsilə ödəyəcəklər

Azərbaycan prezidenti DİN yol patrul xidməti əməkdaşlarının sosial müdafiəsinin gücləndirilməsi və yol hərəkətinin tənzimlənməsi sahəsində bəzi tədbirlər haqqında fərman imzalayıb.

Azərbaycan prezidenti İlham Əliyev Daxili İşlər Nazirliyinin (DİN) yol patrul xidməti əməkdaşlarının sosial müdafiəsinin gücləndirilməsi və yol hərəkətinin tənzimlənməsi sahəsində bəzi tədbirlər haqqında fərman imzalayıb. Bu barədə APA-ya prezidentin mətbuat xidmətindən məlumat verilib.

Fərmana əsasən “Yol hərəkəti haqqında” Azərbaycan Respublikası Qanununun müddəalarının pozulmasına görə fiziki və hüquqi şəxslər tərəfindən ödənilən cərimələrdən daxil olan vəsaitin 25%-i DİN-in yol patrul xidmətini həyata keçirən və yol hərəkətinin tənzimlənməsinə cəlb olunan əməkdaşlarının aylıq vəzifə maaşlarına əlavənin verilməsi üçün istifadə olunacaq.

Prezident tərəfindən Nazirlər Kabinetinə bir ay müddətində yol hərəkəti qaydalarının pozulması ilə əlaqədar törədilmiş inzibati xətalara görə cərimələrin yalnız bank və ya plastik kart vasitəsilə ödənilməsini təmin etmək üçün qanunvericiliyə müvafiq dəyişikliklərin edilməsi, həmçinin inzibati xəta törətmiş şəxsin sürücülük vəsiqəsinin götürülməsi ilə əlaqədar “Yol hərəkəti haqqında” Qanunun müddəalarının İnzibati Xətalar Məcəlləsinin müvafiq müddəalarına uyğunlaşdırılmasına dair təkliflərini barədə təkliflərini prezidentə təqdim etmək, “Yol hərəkəti haqqında” Azərbaycan Respublikası Qanununun müddəalarının pozulmasına görə fiziki və hüquqi şəxslər tərəfindən ödənilən cərimələrdən daxil olan vəsaitin təyinatı üzrə istifadə olunması Qaydası”nı bu Fərmana uyğunlaşdırmaq tapşırılıb.

Fərmanda DİN-nə yol hərəkəti qaydalarının pozulması ilə əlaqədar inzibati xəta törətmiş şəxslərdən sürücülük vəsiqələrinin yalnız İnzibati Xətalar Məcəlləsində nəzərdə tutulmuş hallarda götürülməsini təmin etməli, yol hərəkəti təhlükəsizliyinin təmin edilməsi sahəsində xidmət edən əməkdaşlar tərəfindən qulluq vəzifələrinin icrası və inzibati xətalara baxılması zamanı qanunvericiliyin tələblərinə ciddi riayət olunmasına nəzarəti gücləndirmək tapşırığı verilib.






15 Fevral, 2011  00:28 Baxılıb: 952 Çap

Bu bölmədə


XƏBƏR LENTİ
15 Fevral, 2020  13:28

15 Fevral, 2020  12:35






14 Fevral, 2020  11:39




12 Fevral, 2020  16:52

12 Fevral, 2020  15:46






12 Fevral, 2020  09:38




11 Fevral, 2020  17:17


11 Fevral, 2020  17:00


11 Fevral, 2020  14:28

11 Fevral, 2020  14:17







8 Fevral, 2020  11:14



7 Fevral, 2020  14:05











4 Fevral, 2020  10:57


sagbanner