Ermənistanın sabiq prezidenti Levon Ter-Petrosyanın liderlik etdiyi Erməni Milli Konqresi (EMK) fevralın 18-də keçirəcəyi mitinqin hazırlıqlarına başlayıb.
Simsar.az xəbər portalının tert.am saytına istinadən verdiyi məlumata görə, mitinqdə hazırki hakimiyyətin istefası və növbədənkənar seçkinin təyini tələb olunacaq.
Ter-Petrosyanın mətbuat katibi Arman Musinyanın sözlərinə görə, mitinqdə seçki saxtakarlıqları, kiçik və orta biznesin problemləri, qiymətlərin bahalaşması, sosial-iqtisadi durum kimi məsələlərə də toxunulacaq. Mitinqdə Ter-Petrosyanın çıxışı da nəzərdə tutulub. Mitinqin sonunda yürüş keçirilməsi planlaşdırılır.