Xarici ölkələrdə sürücülük vəsiqəsi almış vətəndaşlar Azərbaycan ərazisində 1 ildən sonra yenidən bu sənədi almalıdırlar.
Daxili İşlər Nazirliyinin Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi Kamran Əliyev Trend-ə bildirib ki, xarici dövlətlərin səlahiyyətli orqanları tərəfindən beynəlxalq standartlara uyğun verilmiş və etibarlılıq müddəti qurtarmamış sürücülük vəsiqələrinin Azərbaycan ərazisində etibarlılıq müddəti 1 ildir. Şöbə rəisi deyib ki, “Avtomotonəqliyyat vasitələrini və onların qoşqularını idarə etmək hüququ verən sürücülük vəsiqəsi almaq istəyən şəxslərdən imtahanların qəbul edilməsi, sürücülük vəsiqələrinin verilməsi və dəyişdirilməsi qaydaları haqqında” təlimatın tələblərinə uyğun olaraq, həmin vətəndaşlar bu müddət başa çatdıqdan sonra yenidən sürücülük vəsiqəsi almalıdırlar.
Kamran Əliyevin sözlərinə görə, əvvəllər xarici ölkələrdə yaşamış və sonradan Azərbaycana köçüb gəlmiş şəxslərin malik olduğu milli və ya beynəlxalq sürücülük vəsiqəsinin notarial qaydada təsdiq olunmuş tərcüməsi sürücülük vəsiqəsinin alınması üçün əsas götürülə bilər: “Belə şəxslərə sürücülük vəsiqəsi onlar tibbi müayinədən keçdikdən, nəzəri bilik səviyyəsi və sürmə vərdişləri yoxlanıldıqdan sonra əvvəllər malik olduqları kateqoriyalar üzrə müvafiq qaydada verilə bilər”.
Kamran Əliyev bildirib ki, Baş Dövlət Yol Polisi İdarəsinin qeydiyyat-imtahan məntəqələrində yol hərəkəti qaydaları üzrə nəzəri və nəqliyyat vasitələrini idarəetmə vərdişləri üzrə təcrübi imtahanlar Azərbaycan, rus və ingilis dillərində verilə bilər.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
