İngiltərədə səfərdə olan “Qəbələ”nin 14 yaşa qədər futbolçulardan ibarət komandası ilk oyununu keçirib.
Komandamız “Mançester Yunayted”in 14 yaşlıları ilə üz-üzə gəlib.
Matçdan öncə “Qəbələ” rəsmiləri, məşqçi və futbolçu heyəti “Mançester Yunayted”in ev oyunlarını keçirdiyi məşhur “Old Trafford” stadionunu, klubun muzeyini, məşq meydançalarını gəziblər, xatirə şəkilləri çəkdiriblər. Daha sonra heyət stadionda yerləşən “Red Cafe”də nahar edib.
Oyuna gəlincə, “Qəbələ” adlı-sanlı rəqibi ilə başa-baş mübarizə aparsa da, qələbəni meydan sahibləri qazanıb – 3:0. Qarşılaşma “qırmızı şeytanlar”ın əsas heyətinin məşq etdiyi Karringtonda baş tutub. İlk hissə bərabər mübarizə şəraitində keçib. Hər iki tərəfin fərqlənmək imkanları olsa da, komandalar fasiləyə qolsuz bərabərliklə yollanıblar. İkinci hissənin ortalarında “Qəbələ”nin müdafiə xəttinin bir anlıq sayıqlığı itirməsindən yararlanan rəqib hesabı açıb. Sonrakı dəqiqələrdə komandamızın heyətinin demək olar ki, yarısını əvəzləməsi “qırmızı şeytanlar”ın üstünlüyü ələ keçirməsi və daha iki dəfə fərqlənməsi ilə nəticələnib.
Qeyd edək ki, “Qəbələ” ikinci matçında daha bir güclü rəqiblə - “Everton”la qarşılaşacaq. Oyun fevralın 9-da Bakı vaxtı ilə 19:00-da baş tutacaq.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
