Misirin paytaxtı Qahirədə daha bir kütləvi aksiya keçirilib. Fevralın 8-də Təhrir meydanına toplaşan yüz minlərlə aksiyaçı prezident Hüsnü Mübarəkin istefasını tələb edib. Yanvarın 25-dən başlayan fasiləsiz aksiya davam edir. 8 fevral mitinqində “Google” portalının Yaxın Şərq şöbəsinin top-meneceri Vael Qonimin də iştirak etdiyi bildirilir. O, igtişaş törətməkdə təqsirləndirilərək 12 sutka həbs cəzası almışdı.
Prezident Hüsnü Mübarək fevralın 8-də konstitusiya islahatları aparacaq komissiya formalaşdırıb. Konstitusiyada əsas islahatların prezidentin səlahiyyət müddətinin 6 ildən 4 ilə endirilməsi və iki dəfədən artıq dalbadal seçilməyin yasaqlanması olacağı bildirilir.
Misir hökuməti isə 34 siyasi məhbusun azadlığa buraxıldığını açıqlayıb.
“Human Rayts Votç” beynəlxalq insan hüquqları təşkilatının 7 fevral hesabatına görə, yanvarın 25-dən başlayan xalq hərəkatında ən azı 297 nəfər həlak olub. Ancaq etirazçılar başlıca tələblərinə - 1981-ci ildən ölkəni idarə edən prezidentin istefasına nail ola bilmirlər. Səlahiyyət müddəti 2011-ci ilin sentyabr ayında bitən Hüsnü Mübarək vaxtından əvvəl getməkdən imtina edir.
Seymur İsayev jurnalistləri təbrik etdi
Səyyad Aran və Siyavuş Heydərov vəzifədən azad edildi
Adil Əliyev icra başçısı təyin edildi
Aybəniz Haşımova Emin Əmrullayevə təşəkkür etdi
.jpg)
