İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti növbəti monitorinqlər keçirmişdir.
Nazirliyin mətbuat xidmətindən AzərTAc-a verilən məlumata görə, Suraxanı rayonunun Zığ qəsəbəsində "Ailə market"də, "555 supermarket"də, Zaur Ağayevə, Çiçək Qəmbərovaya məxsus mağazalarda, Xətai rayonunda "Bizim market"də, "Məhəllə market"də, Aidə Məmmədovaya, Binnət Quliyevə və Qəhrəman Qarayevə məxsus mağazalarda, "Beta market"də, Gəncə şəhərində "Abbasoğlu market"də, Fariz Məmmədova məxsus mağazada, Şəki şəhərində "Rəhman" mağazasında, Qazax şəhərində Məzahir Budaqova, Qazax rayonunda Əli Mustafayevə, Ucar rayonunda Nicat Əsgərova məxsus mağazalarda ümumi çəkisi 400 kiloqramdan çox, saxlama müddəti ötmüş və normativ-texniki sənədlərin tələblərinə uyğun olmayan ərzaq malları aşkar olunmuş, satışdan çıxarılaraq məhv edilmişdir.
Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaqdır.
İstehlakçılardan istifadə müddəti ötmüş, keyfiyyətsiz malların satışı halları ilə rastlaşdıqda 498-15-01 və 498-15-04 nömrəli telefonlarla Antiinhisar Siyasəti və İstehlakçıların Hüquqlarının Müdafiəsi Dövlət Xidmətinə məlumat vermələri xahiş olunur.
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
