MİKRO AVTOBUSLAR YIĞIŞDIRILSA DA, XƏTTƏ İRİ TUTUMLU AVTOBUSLAR VERİLMƏYİB
Paytaxta yeni avtobusların gətirilməsinə baxmayaraq, şəhərətrafı qəsəbələrdə vəziyyət ürək açan deyil. Şəhərin mərkəzindən çıxarılan əksər mikroavtobuslar ətraf qəsəbələrdə işləyir. Artıq iki gündü Masazır qəsəbəsində 269 nömrəli mikro avtobusların xətdən çıxarılmasıyla sərnişindaşımada problemlər yaranıb. Belə ki, əhaliyə xəbərdarlıq edilmədən və yeni avtobuslar xəttə buraxılmadan balaca qazellər tamamilə yığışdırıldı. Bu isə əhalinin ciddi narazılığına səbəb olub. Belə ki, əhali avtobusla gedəcəyi yolu, indi ayaqla getməyə məcburdur.
Müstəqil Nəqliyyatçılar İctimai Birliyinin sədri Natiq Əkbərli simsar.az saytına məsələylə bağlı açıqlama verərkən bildirdi ki, xəttə avtobuslar verilmədən mikroavtobusların yığışdırılmasını sakinlərin hüquqlarının kobud şəkildə pozulması deməkdir : “Bu, yol verilməz haldı. Həmin xətt üzrə marşurut verilmədən, kiçik avtobusların yığışdırılması Nəqliyyat Nazirliyi tərəfindən ciddi səhvdi. Bu həm o ərazidə yaşayan insanların hüquqlarının kobud şəkildə pozulması deməkdi, həm də həmin xətt üzrə fəaliyyət göstərən sahibkarın hüquqlarının pozulmasıdır. Hər iki tərəfə ziyan dəymədən bu iş icra olunmalı idi”.
Məsələylə bağlı Nəqliyyat Nazirliyinin mətbuat xidməti ilə gün ərzində dəfələrlə telefon əlaqəsi yaratmağa çalışsaq da, cəhdlərimiz baş tutmadı.
Aynurə
Sabahın hava proqnozu
Mingəçevirdə 20 yaşlı oğlan bıçaqlandı
Baş prokuror Ağdaşda qəbul keçirəcək
Aprelin 21-də 9 illik baza üzrə buraxılış imtahanı keçiriləcək
.jpg)
